7
(Dominica XV.ª Post Pentecosten, 350)
11 Iniquac nican tlalticpac monemityaya tecuyo J. X., ceppa ompa mohuicaya inaltepetlipan itocayoca Naim; quimohuiquilique initlamachtilhuan, yuan occequin cenca miyequintin.
12 Auh iniquac ocaltenco maxitito, ipan moquixtito micqui, yehuih quitocazque. Inin micqui cetlacatl icnocihuatzintli çan icenteconeuh, quichoquilityuh, yuan miyequintin cololhuitihui.
13 Auh iniquac oquimottili tecuyo, quimocnoittili, quimolhuili: Maca xichoca.
14 Niman itlan omaxiti, conmotzizquili intlapechtli. Auh inyehuantin quinapalotihuiya, ocmomanque. Intecuyo quimolhuili inmicqui: Telpuchtle, nimitznotza, ximoquetza.
15 Auh inyehuatl omicca hualmehuatitlalli, nimayetlatohua. Auh inyehuatzin niman quimohuicaltili ininantzin.
16 Auh inixquichtin oncan manca cenca miçahuique, yuan cenca quimohuecapanilhuyaya intecuyo, quitoque: Cahuey propheta inican totlan omonextitzino, auh cayehuatzin tecuyo oquimomaquixtilico iniyatzin initepetzin.
(Dominica in Passione: Feria Quinta, pg. 167)
36 Iniquac tlalticpac monemityaya tecuyo J. X., cetlacatl phariseo quimotlatlauhtilica inic itlan motlaqualtiz; auh intecuyo J. X. innoonmocalaque ichan phariseo, mohuetziti.
37 Auh izcatqui cihuatzintli oncan catca in altepetlipan tlatlacohuani, inoquima caintecuyo J. X. ichan omohuetziti inphariseo, oquihualcuic cecomitl pahatl;
38 Çanchico inomoquetz icxitlantzinco tecuyo, niman yeic ixayotica quimocxipaquilya, yuan itzontica inquimocxipopohuilya, yuan quitenamiquilyaya inicxitzin, yuan pahatl icquimamatilohuyaya.
39 Auh iniquac oquittac phariseo inquimonochili, yitic quito: Intlanelli propheta y, çanelli huelquimatizquya inaquini, yuan inquinami cihuatl inquimatocaya; catlatlacohuani.
40 Auh quimonanquilili intecuyo J. X., quimolhuili: Simone, centlamantli nimitzilhuiznequi. Auh inyehuatl quito: Maxicmitalhui, temachtyanye.
41 Quimonanquilili, quimolhuili; Oncatca omentin motlacuyani ipal motlacuique cetlacatl tlaixtlapahuani; incetlacatl quimotlacui centzontli pesos ipan macuilpohualli; occetlacatl oquimotlacui opohual pesos ipan matlactli.
42 Auh inyehuantin iniquac atle onca yetlaxtlahuazque, çanoquintlaocolli imomextin. Auh ac yehuatl inoccenca quitlaçotla?
43 Quimonanquilili inSimon, quimolhuili: Ininomati cayehuatl incenca miyec quitlaocolli. Auh intecuyo J. X. quimolhuili: Melahuac inotiquito, inicotitlatzontec.
44 Auh inoihuicomocueptzino cihuatzintli, quimolhuili inSimon: Tiquitta y incihuatzintli? Innehuatl mochan inonicalaquico, amo otinechicxipac; auh inyehuatli ixayo iniconechicxipac, yuan itzon iniconechicxipopouh.
45 Amo tinechtennamic; inin inixquichcahuitl hualcalac, amo quinmanomocauh inquitennamic nocxi.
46 Inotzonteco amo pahatl icoticmamatilo; auh inin pahatl icoquimamatilo innocxi.
47 Ipampa y yenimitzilhuya: Cenca miyec inpopolhuilo itlatlacol, yehica cacencahuey inicotetlaçotlac. Auh inaquin çantepiton popolhuilo, çantepiton inictetlaçotla.
48 Auh intecuyo J. X. quimolhuili incihuatzintli: Tipopolhuilo inmotlatlacol.
49 Auh inoncan centlaquaya niman ic imitic quitoque: Aquin y, inyuan huelquitepopolhuya tlatlacolli?
50 Auh quimolhuili incihuatzintli: Motlaneltoquiliz inomitzmaquixti; ihuiyan pacca ximohuica.