6
(Sequuntur Evangelia de Pluribus Martyribus, pg. 31)
17 Iniquac tlalticpac monemityaya totecuyo J. X., inohualmotemohui tepeticpac cecni ixtlahuacan moquitzino, yuan miyequintin itlamachtiltzitzihuan yuan cenca ixachintin macehualtin nohuyan hualehua Judea yuan Hyerusalem, yuan inompa huey altepetl maritima intiron yuan sidon,
18 Ichuallaque inicquimocaquitizque, yuan inic patilozque itechpa incocoliz. Auh inyehuantin quintolinyaya catzahuaque tlatlacate phatya. Corrige
19 Auh inixquichtin macehualtin quinequya initetzinco maxitizque; cahuey chicahualiztli itechtzinco quiçaya, yuan ixquichtlacatl quimopatilyaya.
20 Auh inyehuatzin inoquinmomottili initlamachtilhuan, quinmolhuilyaya: Quemachhuel amehuantin inamotolinya; yehica caamaxca initlatocayotzin indios.
21 Quemach Corrige amehuantin inaxcan anteocyuhtinemi; yehica caanpachihuitilozque. Quemach amehuantin inaxcan anchoca; yehica caanhuetzcazque.
22 Amocnopiltiz, iniquac amechcocolizque tlaticpactlaca, yuan amechicahuizque cecni amechquetzazque, yuan amechpinauhtizque, yuan quitlaçazque inamotoca yuhque macamoqualli ipampa inichpuchtli iconetzin.
23 Iniquaco xipapaquican, yuan xahahuiyacan, caizcacenca miyec inamotlaxtlahuil innompa ilhuicac.
(Dominica I.ª Post Pentecosten, pg. 322)
36 Inoc nican tlalticpac monemitya tecuyo J. X., ceppa quinmolhuili initlamachtilhuan: Xitetlaocolican, inyuh motetlaocolitya amotatzin Dios.
37 Macamo xitechicotlatzontequilican, inicamo antlatzontequililozque; macamo tetechxichicotlamatican, inicamo amixnahuatilozque. Xitetlapopolhuica, noantlapopolhuilozque.
38 Xitetlaocolican, noantlaocolilozque; qualli inictlatamachihualli, tlatemitilli, tlahuihuixolli, yuan huelmotzotzonehua amechcuexanoltizque. Çanelli inquexquich ican tetlatamachihuilizque, çanoixquich ica tlatamachihuililozque.
39 Auh izcatqui machiyutl imixpan quimotlalili, quimolhuili: Inixpopuyotl cuix huelquiyacanaz inçanoixpopuyotl? Cuixamo nehuan tlatataco huetzitini?
40 Intlamachtili amo quipanahuya initemachticauh; cacenca mozcalyani intlamachtilli, intla quinenehuiliz itemachticauh.
41 Auh tleican tiquitta inçacatontli inoyxcohuetz moteiccauh, auh amo tiquitta inhuepantli inmixco onoc?
42 Auh quenin tihuelitiz intiquilhuiz moteiccauh: Nicauhtzine, tlanimitzonanili inçacatontli inmixco huetztoc, auh inteh amotiquitta inhuepantli mixo onoc? Teixcuepanye, yeachto xictlaça inhuepantli mixco onoc, auh quiniquac hueltiquittaz inicticahuiliz çacatl imixco onoc moteiccauh.