4
(Dominica Tertia in Quadragesima: Feria Secunda, pg. 118)
23 Iniquac tlalticpac monemityaya tecuyo J. X., quinmolhuili inphariseome: Quexquich inoticcaque mochyuh inompa Capharnaum, mano nican xicchihua inipan maltepeuh.
24 Auh intecuyo J. X. quinmolhuili: Nelli namechilhuya, caayac propheta mahuiztilillo, tlacamacho inipan yaltepeuh.
25 Nelli namechilhuya, cenca miyequintin innonnenca icnocihua, iniquac nenca Helias inompa Israel, iniquac exihuitl yuan chicuacen metztli intaucti catca ilhuicatl, iniquac cencahuey mayanaliztli momanaco innohuyan cemanahuac;
26 Inizquican ancan oyhualloc inhelias, çanyayo ompa inquauhtla Sarepta Sidonia, quittan icnocihuatl.
27 Yuan cenca miyequintin innonenca nanahuati innompa Israel inimatyan Eliseo propheta; çanayac chipahuac, çaniyo inNaaman Syria ichan.
28 Auh iniquac oquicacque, inmochintin cenca oquallanque innoncan necentlaliloyan.
29 Yuan moquetzque, altepe quiyahuac quihualmayauhque, yuan tepeticpac quimotlecoltilique, huelicpac quimaxitilito intepetl innonca inicpac quichyuhque inaltepeuh, inic ompa quihualmayahuizque.
30 Auh inyehuatzin çan quinhualmopanahuili innepantla, hualmoquixtitya.
(Dominica Tertia in Quadragesima: Feria Quinta, pg. 125; Sabbato Post Pentecostem, pg. 240)
38 Iniquac tlalticpac monemityaya tecuyo J. X., inohualmoquetzino innoncan necentlaliloyan, ichan mocallaqui inSymon Pedro. Auh inimonan Symon cencahuey atonahuiztli itechcatca; auh ipampa quimotlatlauhtilique intecuyo.
39 Auh intecuyo inoitlan moquetzino, quinnahuatili + inatonahuiztli, yuan quitlalcahui. Auh niman moquetztiquiz quintlaqualtyaya.
40 Auh innooancalac + tonatyuh, inixquichtin ocancatca incocoxcahuaque inmiyectlamantli cocoliztli icmococohuaya, ixpantzinco quinhualhuicaya intotecuyo + J. X. Auh inyehuatzin cecenyaca ipan + quinmomanili imatzin, quinmopatilyaya.
41 Auh intlatlacatecollo miyequintin inquintlalcahuique,+ cenca tzatzya, quitohuaya: Catehuatzin tipiltzin dios; auh quinmahuilyaya, amoquimonequiltya inquitozque, caquimatya cayehuatzin inJ. X.Pg.
42 Auh inotlatuic hualmoquixti, mohuicac cecni tlalcahualpan, auh inmacehualtin quimotemolyaya, yuan huelompa quimottilito, yuan quimotlatlauhtilyaya inicamo quinmotlalcahuiliz.
43 Auh inyehuatzin quinmolhuili: Canotech monequi occequi altepetl nicmachtiz initlatocayotzin dios; caipampay inonihualihualoc.
44 Auh oncan motemachtilyaya ininnecentlaliloyanPg. Galileatlaca.