3
(Dominica Quarta in Adventu Domini, pg. 257)
1 Inyeyuh caxtol xihuitl tlatocati Tiberio Cesar, noiquac presidente catca inpilato inoncan hierusalem, auh inherodes tlatocatya galilea, auh inphilippe iteiccauh herodes ompa in Iturea yuan traconitis, auh inlysania ompa in abilina, iniquac tlatocatya y,
2 Noiquac huehueintin teopixque catca inAnas yuan Cayphas, yeyuhnoquauh ixtlahuacan nemi inJuan baptista inipiltzin Zacharias ompa ipan ohualla initlatoltzin tecuyo.
3 Auh niman icualla innohuiyan altepetlipan initlan quiça Jurdan, quitemachtyaya intlamacehualiz nequaatequiliztli inic polihuiz tlatlacolli.
4 Inyuh icuilyuhtica itlatol amapan Esaias propheta: Innehuatl canitzatziliz intetzatzilya quauh ixtlahuacan; xiccencahuacan iniyohuitzin tecuyo, iniopitzatzi huelxiquetzacan:
5 Inixquich atlauhtli huelixmaniquyuh: auh inixquich tepetl yuan intlamimilloli tlaltitechyaz: yuan inohtli xoxomolaqui huelamelahuiticaz: auh inxixipuchtic inteteyo ochpantliyez:
6 Auh ixquich tlacatl quimottiliz initemaquixtyaya indios.