21
(Sequuntur Evangelia de Pluribus Martyribus, pg. 33)
9 Iniquac tlalticpac monemityaya totecuyo J. X., quinmolhuili initlamachtilhuan: Iniquac anquicaquizque yaoyotl yuan nechallaniliztli, macamo ximomauhtican; Ca monequi achto mochihuazy; yeçe ayamo itzonquizca.
10 Iniquac quinmolhuyaya: inmacehualtin quinmixnamictizque inoccequintin macehualtin; auh intlatoca altepetl quinmixnamictiz inocce tlatoca altepetl.
11 Yuan nohuyan cenca tlalloliniz, yuan momanaquyuh hueycocoliztli inicmicohua, yuan mayanaliztli, yuan ilhuicacpa nemauhtiliztli, yuan huehuey machiote neciz.
12 Yeçe inayamo mochihuay amechmictizque, Verbum yuan amechtotocazque, yuan innecentlalyaya amechhuicazque, amechpiazque; amechpiazque; imixpan amechhuicazque intlatoque yuan intepachohuan ipampa innotocatzin;
13 Auh ipampa tlaneltililiztli amopan mochihuaz.
14 Auh inaxcan huelamoyollo itlan xictlalican, inicamo achto anquilnamiquizque inquenin antenanquilizque.
15 Canehuatl namechnomaquiliz intlatolli yuan teotlamatiliztli, inamo huelquileltizque quitopehuazque, yuan anhuelquilahuelnamiquizque inixquichtin amoyaohuan.
16 Auh temac amechtlaçazque inamotahuan inamonahuan, yuan amoteachcahuan, yuan amohuanyolque, yuan amocnihuan; yuan ancequintin amechmictizque;
17 Ixquichtin tlalticpactlaca amechcocolizque ipampa notocatzin.
18 Auh cenpolihuiz inamotzon inamocpac.
19 Inipan amotlapaccaihiyohuiliz anquipiazque inamanima.
(Dominica Prima in Adventu Domini, pg. 251)
25 Iniquac tlalticpac monemityaya tecuyo J. X., quinmolhuili initlamachtilhuan: Itechneciz machiyotl intonatyuh, yuan metztli, yuan incicitlaltin, auh inipan tlalticpactlaca huey netoliniliztli mochihuaz, inhueyatl aocmo tlacamanaz;
26 Ipampa y intlalticpactlaca cenca momauhtizque, yuan quahuaquizque ipampa inixquich temamauhti innohuiyan cemanahuac tepan mochihuaz; cainangelome hualtemozque;
27 Auh intlalticpactlaca iquac quimottilizque inichpuchtli iconetzin mixtitlan moquixtiquyuh huelhualneztiyaz inic huey yuan inic mahuiztic.
28 Auh inopeuh inyemochihua y, xitlachiyacan yuan xaquetzacan, cayequine izhuitz inamo maquixtilloca.
29 Yuan quinmolhuili centlamantli machiyotl: Xiquittaca inhiguera, yuan inixquich quahuitl;
30 Iniquac yeitechmochihua xochiqualli, icanquimati ca aocmo huecauh intonalco.
31 Çanoyuh y inamehuantin iniquac anquittazque inyemochihua, icanquimatizque, yeizhuitz initlatocayotzin dios.
32 Çanelli namechilhuya, achtopa ixquich mochihuaz y, inayamo tlami y intlalticpactlaca.
33 Inilhuicatl yuan intlalticpactli polihuiz; auh inotlatoltzin aicpolihuiz.