19
(In Anniversario Dedicationis Ecclesiæ, pg. 63)
1 Iniquac tlalticpac monemityaya tecuyo J. X., inohualmoquixti itlanmoquixtitihuya inhierico.
2 Auh izcatqui cetlacatl toquichtin itoca Za cheo; auh inyehuatly inteyacacauh catca intequitlatoque, mocuiltonohuaya.
3 Yuan cenca quimottiliznequya intecuyo J. X. inacyehuatzin, yuan amohuelitya ipampa miyectlacatl, ca çantetepiton catca.
4 Yuan achto motlallo, quitlecahui inquahuitl ama Capolin, inicquimottiliz, yehica caoncan moquixtiz.
5 Auh innonca oomaxitito tecuyo J. X., commacopaittili yuan conmolhuili: Zacheoe, icyuhca xihualtemo, cainaxcan notechmonequi mochan niyaz.
6 Auh icyuhca hualtemoc, yuan quimopacca celili.
7 Auh iniquac ixquich tlacatl quimottilyaya, quimochicoitalhuyaya, quitohuaya: catlahueliloc tlatlacohuani inipan ocallac.
8 Moquetzticaca inZacheo quimolhuili intecuyo J. X.: Izcatqui, totecuyoe, inmotlatqui niquintlacoxelhuya inmotolinya; auh intlaaca itlaonicxicuilli, nappa ixquich icniccuepilya.
9 Intecuyo J. X. quinmolhuili: Caaxcan impan omochyuh inican chaneque nemaquixtiliztli: ipampa cainchane ipiltzin y Abraham.
10 Caic ohualmohuicac inichpochtli iconetzin inquimotemolliz yuan inquinmomaquixtiliz inopolyuhca.
(Evangelia de Uno Confessore Pontifice, pg. 50)
12 Iniquac tlalticpac monemityaya tecuyo J. X., quinmolhuili initlamachtilhuan ininmachyotlatolli: Cetlacatl pilli hueca altepetlipan ompeuh, icya inquimocuilito itlatocayo, yuan inic hualmocuepaz.
13 Auh quimonotz matlactin itetlaecolticahuan, quinmac matlactetl teocuitlatl, quimilhui: inixquichcahuitl nihuallaz, icxitlaecocan.
14 Auh inialtepepohuan quicocolique, yuan icampa otlaihuaque, quitoque: amoticnequi inic topan tlatocatiz y.
15 Auh inyeyuhqui inoconcuic tlatocayutl hualmocuep; niman tlanahuati inicnotzallozque itetlaecolticahuan, inquinmacac teocuitlatl, inic quimatiz inquexquich ceceyaca oquixnexti inicotlanecuillo.
16 Auh inachto hualla, quito: tlatohuanie, incentetl moteocuitl matlactetl teocuitlatl icoixnez.
17 Auh intlatohuani quilhui: iyoca, tiqualli titetlaecoltyani, yehica caçanachitoni inonimitznahuati hueloticchyuh, matlac altepetl inticpachoz, intictlatalhuilliz.
18 Auh inocce hualla, quito: tlatohuanie, inmoteocuitl macuiltetl teocuitlatl icoixnez.
19 Auh inin quilhui: notehuatl macuili altepetl ticpachoz, tictlatalhuiz.
20 Auh inocce hualla, quilhui: tlatohuanie, izcatqui inonicpiaya teocuitlatl moneixpopohuayatzin iconiquimillo;
21 Caonimitzimacaz, yehica catitlahuelle ticui intlein amo tictlali, auh ticpixca intlein amo tictocac.
22 Quilhui intlatohuani: tlahuelilocque tlacopole, motlatoltica nimitztlatzontequilya; huelticmatya canitlahuelle, nicui inamo onictlali, auh inicpixca intlein amo nictocac ;
23 Auh tleica noteocuitl amo teocuitlanecuiloloyan ticcahuato, inic iquac onihualla nictemozquya noteocuitl yuan inicomixtlapan?
24 Auh inoncan manca quimonilhui: xicuilican inteocuitlatl, yuan xicmacacan inmatlactetl teocuitlatl quipia.
25 Auh quilhuique: tlatohuanie, camatlactetl inquipia.
26 Niman quimitolhui: namechilhuya: cainaquin yeonca inaxca çaoccequi macoz, yuan mocuiltonoz; auh inaquin antle yaxca, intlaoquitla quipia, cuililoz.
(Dominica IX.ª Post Pentecosten, pg. 338)
41 Iniquac tlalticpac monemityaya intecuyo J. X., ceppa mohuicaya inompa Hierusalem; inyeonmaxitityuh, inoconmottili altepetl, ipampa mochoquili, quimitalhui:
42 Intehuatl inaxcan intla huelxiquiximatini intlein ic hueltipactinemiz, huelticmocuitlahuizquya, auh inaxcan mitznetlalilya, amotiquitta.
43 Ca mochihuatyuh, inmoyaohuan mitzyahualotimotecaquihui, yuan nohuiyampa mitztzatzacuilizque, yuan nohuiyampa mitztolinizque;
44 Yuan hueltlaltitechmitzhuicazque, yuan inixquichtin mopilhuan, inmitic nemi, quinpopoluzque; auh iniccenca hueltipopulihuiz, aoccan nepanyuhtiyez intetl, yehica amo tiquixima cayemonemaquixtilizpan.
45 Auh inomocalaqui teopan, niman yaicquinhualmoquixtilya innoncan tlanamacaya, yuan intlacohuaya,
46 Quinmolhuili: Cateotlatolpan icuilyuhtica: Innocaltzin catlatlatlauhtilizcalli. Auh inamehuantin ichtecque imoztouh oanquichyuhque.
47 Auh momuztlae oncan motemachtilyaya inteopan.