9
(Dominica in Passione, pg. 289)
11 Noteiccahuane, inyehuatzin tecuyo J. X. huey obispo yaxcatzin, inixquich ilhuicac necuiltonolli, inticchixtinemi totepantlatocatzin.
12 Caceppa inomocallaqui cacenca qualcan teoppa inhuellacempanahuya inatleyuhqui inayac tlalticpac tlacatl oquichyuh. Cayehuatzin oquimochihuili incemicac temaquixtiliztli, amoma ica inimeço quaquahueque anoço quaquauhtentzoneque, çanhuel ica initlaçoyezçotzin.
13 Caintla imezço inquaquahueque yuan quaquauhtentzoneque, yuan ininexyo cihuatlquaquahuetepiton, ininpan motzatzelohuaya catzahuaque, huelquichipahuaya tenacayo;
14 Auh initlaçoezçotzin tecuyo J. X. inica espiritu sancto topampa cenquizcaqualli huentzintli omochyuh inixpantzinco Dios tetatzin, cuix amo occenca yehuelquichipahuaz intanima initechpa totlatlacol, inic hueltictotlaecoltilizque tecuyo incemicac monemitya?
15 Ipampa y inyehuatzin tecuyo J. X. inipan yancuic testamento totepantlatocatzin omochyuh, iniquimiquiztica quicnopilhuizque initlacemitoltzin Dios inyehuantin, inyeippa intechpouhqui inilhuicac papaquiliztli, inic popolihuiz intlatlacolli inmochihuaya inipan yahuecauh testamento.