13
(In Natalia Unius Confessoris Pontificis, pg. 38)
9 Noteiccahuane, macamo icximotlapoltican inmiyectlamantli yuan inceccanquizque temachtilli. Caoccenca tlapanahuya iniqualli inigratia chicahualoz teyollo, amo tlaquatica, inamotle itechconittaque innohma ipannemi.
10 Caticpia altar inayac huelitechtlaqua inquitlaecoltya teopancalli.
11 Cainyehuantin yolque ininyezo quimana hueyteopixqui inoncan hueyteopan inipan tlatlacolli, ininnacayo altepequiyahuac tlatilo.
12 Inipampay inyehuatzin tecuyo J. X. inic itlaçoezotica quimocenquizcaqualtililiz inyaltepetzin, quiyahuac inomotlaihiyohuilti.
13 Auh inaxcan matiquiçacan altepequiyahuac, matictoquilican, matiquihiyohuican iniyohuixtiloca.
14 Yehica caamo nican ticpia inmochipaca altepetl, çanyehuatl tictemohua iquinneciz.
15 Auh inaxcan maipaltzinco mochipa ixpantzinco ticmanacan intlayectenehualiz huentli, q . n . iniquallachihual inquimoyectenehuilya itocatzin.
16 Auh macamo xichuelcahuacan intetlaocoliliztli yuan innecepanicueliliztli; caicca inyuhqui huentli icnopilhuilo intecuyo dios.