32
(Dominica Quarta in Quadragesima: Feria Tertia, pg. 141)
7 Intecuyo quimonochili inmoysen, quimolhuili: Xiyauh, xitemo inican tepeticpac; caotlatlacoque inmomacehualhuan intiquinhualquixti ompa Egipto.
8 Icyuhca oquicauhque inotli tiquimittiti; teocuitlatl inoquimochichihuilique quaquahue iconeuh, yuan oquimoteotique, oquimanilique huentli, quitoque: Yehuantin in amoteohuan, Israeltlacae, yehuantin inamechhualquixtique Egipto.
9 Intecuyo yenocceppa quilhui inmoysen: Yeniquitta, cainin macehualtin cenca tzonteme amotetlacamati ;
10 Xinechcahua, inic intechniqualaniz, yuan niquinpopoloz; auh intehuatl nimitztlapihui liz inmacehualtin.
11 Auh inmoyses quimotlatlauhtilyaya intecuyo dios, quimolhuili: Totecuyoe, tleica inintech timoqualaniltya momacehualhuan, intiquinhualmoquixtili ompa Egipto, cencahuey chicahualiztica yuan tlapaltica?
12 Macamo, totecuyoe, inicamo quitozque Egiptotlaca: Çanoquinhuelnahualquixti, inictepetla quinmictiz, yuan inic nican tlalticpac quinpopolloz; macehui inmoqualantzin, maximoyolcehuitzino, macamo icximoquallamalti inintlahuelilocayo momacehualtin.
13 Maxinamiquili inmotetlaecolticahuan Abraham, Isaac yuan Jacob, inyehuantin huelmonomatzinco tiquinmocemitalhuili, tiquinmolhuili: Yuhquinilhuicac cicitlaltin inictlapihuiz amotlacamecayo; yuan inixquich intlalli, initechpa onitlato, niquinmacaz inamopilhuan, inamotlacamecayo, yuan mochipa amaxcayez.
14 Omoyolcehuitzino intecuyo, inicamo icquimotoliniliz imacehualhuan, inyuh quimotenehuilica, yuan oquinmotlaocolili inimacehualhuan tecuyo dios.