Liber
Exodus
12
(Feria Sexta in Parasceve, pg. 183)
1 Iniquac y intecuyo dios quimolhuili inmoysen yuan iAaron inompa intlalpan egiptotlaca:
2 Inin metztli ipeuhcayez inoccequi metztli: ican quipehualizque, yacachtoyez inipan izquitetl metztli, inic cexihuitl quiça.
3 Xiquinnonotzacan inixquichtin ipilhuan Israel, yuan xiquinmilhuican: Inyeimatlaquilhuiyoc inin metztli cecenyaca ichan quihuenchihuaz ichcaconetl innohuiyan techan.
4 Auh intla çanquezquitlacatl inic hueloneohuaz inqualoz ichcaconetl, connotzaz inicalnahuactlacatl inçan monetechana incal, çanizquintin inquezquintin huelinpanyaz inquiquazque ichcaconetl.
5 Auh inichcaconetl yehuatl inancan itlacauhqui, yehuatl inoquichtli ichcaconetl; çanoyuh anquihuenchihuazque iniconeuh quaquauhtentzone.
6 Auh inanquipiazque y ixquichica inimatlaquilhuiyoc onnahui inin metztli; yuan huelixquichtin inipilhuan Israel inquihuenchihuazque iquac inohuelomopillo tonatyuh.
7 Yuan concuizque iniyezço, yuan iyomexti itech quichichihuazque intlaquetzalli moquequetzticac, yuan incalixquatl inizquican calli innoncan quiquazque inacayo.
8 Auh inquiquazque inacayo iquac inyeyohuac çantlatlehuatzalli yez, yuan inipan quiquazque yehuatl intlaxcalli amotlaneloli yuan inchichicquilitl.
9 Amotle çanxoxouhqui inanquiquazque, amono ancapahuacizque; çanyeyo tlatlehuatzalli yez: anquiquazque initzonteco, yuan icxi, yuan icuitlaxcol.
10 Auh iniyomiyo amo anquipuztequizque niman aoctle mocahuaz inotlathuic. Intla oquitla mocahuaz, tletl icanquitlalizque.
11 Auh yuhin inanquiquazque: amocuicuitlalpizque, yuan amocacactizque, amomac hoonoz amotopil, auh çanicyuhca inanconquatiquiçazque; ca phase, çaniquiz tiquiçaliz intecuyo.